Հայ գրերի ստեղծումը

Կորցնելով պետական անկախությունը` հայ ժողովուրդը կորցրեց կարևոր լծակը, որով պաշտպանվում էր ռազմատենչ հարևաններից: Մեր ժողովրդի համար այդ օրհասական պահին հայ գործիչները ուժեղ շարժում սկսեցին`ապահովելու հայության մշակութային անկախությունը:  Ստեղծվեց  ազգապահպանության  ստեղծվեց  մի նոր ու հզոր զենք հայոց գրերը:
Դրանք հայ ժողովրդին հարատևություն ու կենսունակություն պարգևեցին հետագա փորձություններով լի դարերի ընթացքում:
Հայ ժողովրդի հանճարեղ զավակ Մեսրոպ Մաշտոցի ձեռքով ստեղծվեցին հայոց գրերը, որոնցով մինչև օրս գրում ու կարդում ենք:
Մանուկներին սկսեցին սովորեցնել նորաստեղծ այբուբենով: Եվ եթե  մինչ այս ուսուցումը Հայաստանում գլխավորաբար հունարեն ու Ասորերեն լեզուներով էր, ապա Մեսրոպ Մաշտոցը և Սահակ Պարթևը հիմք դրեցին հայոց ազգային դպրոցին:  Հայոց դպրոցներ բացվեցին Բյուզանդիայի իշխանության տակ գտնվող հայկական երկրամասերում: Հայոց ազգային դպրոցներից մեկը Հայոց Արևելից կողմերում բացվեց Ամարասի վանքում:
աղբյուրը- տես այստեղ